Ish- gruaja e kantautorit kosovar Blero është revoltuar kundër lajmeve që janë publikuar për lidhjen e saj të dashurisë. Disa portale kosovare kanë hedhur dyshimin se lidhja e Teutës me trajnerin Adonis Morina, ka lindur që gjatë kohës kur ajo ishte ende e martuar me Bleron, duke iu referuar komenteve në Facebook-un e tyre personal. Teuta është ndjerë e fyre dhe ka vendosur të japë një përgjigje të gjatë, përmes IG. Aktorja bionde sqaron se të gjitha janë shpifje, duke kërcënuar se do të merret personalisht me këdo që ka nëpërkëmbur moralin e saj. "Ju njerëz jeni të ndryrë vetë nga maja e këmbëve, deri te maja e flokëve e që konkludimet tuaja i sillni në bazë të parimeve e "vlerave" që i posedoni kot mundoheni të gjuani baltë mbi mua dhe personalitetin tim sepse e gjitha do t'ju kthehet në bumerang. Nëse për diçka jam shumë krenare është gjithë rrugëtimi im deri këtu ku kam mbërritur sot si njeri, si grua dhe si profesioniste. Shpifjet e juaja të ndyra ju përfaqësojnë vetëm juve dhe asnjëherë mua. Duhet t'ju vijë turp nga vetja juve shpifsa, të akuzoni dikë pa kurrfarë baze. E vërteta gjithmonë triumfon, prandaj ju mund të flisni aq sa e keni gjuhën he ndërgjegjen, por unë besoj po ashtu shpresoj dhe do të lutem që gjithë ky gjynah që jeni duke bërë t'ju kthehet drekt në shpirtin tuaj. Unë mund të mos i pëlqej dikujt dhe këtë e pranoj si diçka shumë normale, por të më akuzojë dikush në aspektin e moralit dhe të ndershmërisë nuk e lejoj, dhe aq më tepër hienat si ju (me të cilët do të merrem personalisht)", ka shkruar Teuta. Ajo e shfaqi dashurinë e saj të re disa ditë më parë përmes një statusi ku i uronte ditëlindjen të dashurit Adonis Morina.
