Ata janë një nga çiftet më të komentuar në media. Historia e dashurisë së Armina Mevlanit dhe Shkëlzen Berishës ngjall akoma më tepër kuriozitet kur ata shfaqen bashkë në publik dhe tregojnë detaje nga marrëdhënia e tyre. Rasti më i fundit, mbrëmë.
Të dy, në një darkë romantike me trëndafila, nuk harruan dhe një përshëndetje për ndjekësit e admiruesit e tyre. Armi dhe Zeni dolën në IG me një mesazh video dedikuar fansave të blogeres shqiptare. I gjendur përballë kameras, djali i ish-kryeministrit u tha mbi 300 mijë ndjekësve të Arminës me humor; “Jeni në rrugën e duhur”, në lidhje me zgjedhjen që ata kanë bërë për të ndjekur të dashurën e tij. Në këtë atmosferë, nuk mungoi as batuta ironizuese e bukuroshes, me slloganin socialist; “po, po drejtimi i duhur”.