Presidenti i SHBA-ve Donald Trump, nëpërmjet rrejtit social Twitter ka sulmuar sërish FBI-në. Sipas Trump, FBI i ka dhënë informacione të klasifikuara medias që mund të kenë “efekte shkatërruese” për Shtetet e Bashkuara.
Trump tha se FBI është e paaftë të ndalojë rrjedhësit e informacioneve.
Reagimi i Presidentit amerikan vjen në një kohë kur shefi i personelit të Shtëpisë së Bardhë, Reince Priebus, ka kërkuar nga FBI, që të diskreditojë raportet në media se këshilltarët e fushatës së Trump, kishin kontakte të shpeshta me agjentët e inteligjencës së Rusisë gjatë zgjedhjeve presidenciale amerikane.