Partizani ka bërë goditjen e parë të bujshme në këtë merkato. Të kuqtë kanë arritur akordin me sulmuesin e kombëtares shqiptare, Edgar Çani, i cili do të jetë pjesë e nënkampionëve të Kategorisë Superiore për dy vitet e ardhshme.
Lajmin e ka konfirmuar për “Panorama Sport” vetë menaxheri i futbollistit, Mario Cenolli. “Është arritur marrëveshja, presim vetëm të firmosim që të zyrtarizohet kontrata”, – u shpreh ai. Çani ishte synimi i madh i Partizanit për sulmin dhe tashmë ky transferim është arritur. Nesër pritet që të firmoset kontrata dhe të bëhet prezantimi i 28-vjeçarit me fanellën e skuadrës së tij të re.