Zgjedhjet lokale të 22 tetorit nga Komisioni Qendror i zgjedhjeve vlerësohen të këtë shkuar pa ndonjë parregullsi që do të dëmtonin tërë procesin zgjedhor, ka bërë të ditur për Radion Evropa e Lirë zëdhënësi i KQZ-së Valmir Elezi.
“Për KQZ-së dita e zgjedhjeve ka shkuar shumë mirë, nuk ka pasur ndonjë parregullsi apo ndonjë incident që do ta dëmtonte integritetin e procesit zgjedhor. Në rastet kur ka pasur ndonjë mangësi në materiale dhe KQZ ka ndërhyrë në kohë të shpejtë dhe ka sanuar gjendjen”, thotë Elezi.
Elezi bën të ditur se numërimi i fletëvotimeve ka përfunduar në vendvotime gjatë mbrëmjes së të ditë së diele, derisa në Qendrën e Numërimit dhe Rezultateve (QNR) është duke u pranuar materiali i ndjeshëm zgjedhor nga të gjitha komunat e Kosovës.
“Deri më tani është pranuar materiali i ndjeshëm nga një numër i konsiderueshëm i komunave dhe KQZ është e orientuar në shpalljen e rezultateve përfundimtare në një kohë sa më të shpejtë që është e mundur”, tha Elezi.
Ai bëri të ditur se në QNR se shpejti do të fillojnë të numërohen votat me kusht, votat që kanë ardhur përmes postës dhe votat të personave me nevoja të veçanta.