Një aksident i rëndë është regjistruar ditën e sotme, në autostradën Tiranë-Durrës, pranë Citypark.
Një automjet, tip furgon, ka humbur kontrollin dhe për pasojë është rrokullisur disa herë. Mësohet se drejtuesi i mjetit ka tentuar të shmangë një qen të ngordhur, por nuk ka arritur të mbajë mjetin nën kontroll.
Fatmirësisht, drejtuesi i mjetit, është plagosur lehtë. Ai ka dalë i tronditur nga makina dhe ka njoftuar policinë.
Ndërkohe ambulanca dhe makina mbërritën në vendngjarje, ku po nis shqyrtimi i shkaqeve të aksidentit.
Siç shihet edhe në fotot e publikuara nga Tpz.al, furgoni qëndron edhe në këto momente përmbys në mes te autostradës, duke sjellë kështu vështirësi në qarkullimin e automjeteve.
