Edhe Komisioni i Arsimit në Kuvend është zhvilluar me debate të ashpra mesditën e sotme. Ka qenë kryetarja e komisionit Albana Vokshi ajo që ka debatuar me ish-ministrin e shëndetësisë, anëtar i këtij komisioni, Ilir Beqaj. Debati ka ardhur pasi mazhoranca abstenoi ditën e sotme për kërkesën qe gazetarët të thirren në seance në lidhje me fyerjet dhe ofendimet e bëra nga Edi Rama disa ditë më parë.
Vokshi ka akuzuar ish-ministrin se reformat e bëra nga ai nuk kanë dhënë asnjë lloj efekti dhe se kanë sjellë pasojat e gabuara. Gjithashtu Vokshi i tha Beqajt se ku i fundit dhe reforma në drejtësi janë dy skaje të kundërta. Ndërkohë Beqaj i është përgjigjur se Vokshi shumë herë ka folur politikisht, ndërsa në gjykatë është shprehur se nuk mban përgjegjësi kur flet politikisht.