Përveç ish-ministrit të Brendshëm, Saimir Tahiri, nën hetim pasur nga Prokuroria e Krimeve të Rënda është vënë edhe shoferi i tij personal, Gentian Ceka. Siç raporton TCh, pasuria dhe llogaritë bankare të tij janë nën hetim që prej muajit tetor në kuadër të dosjes ‘Habilaj’.
Gentian Ceka, siç rezulton deri më tani, shfaqet jo vetëm në përgjimet telefonike, por edhe lakohet nga biznesmeni Orest Sota si njeriu që kishte harruar patentat e lundrimit në mjetin ku iu gjetën 863 mijë euro. Shoferi i Tahirit është përmendur nga biznesmeni Orest Sota si personi që kishte harruar patentat e ish-ministrit në makinë.