Partia Demokratike ka reaguar pas deklaratave të kreut të ARRSH, Afrim Qëndro, lidhur me projektin e Unazës së Re. PD i cilëson mashtrime ato që thotë drejtori i Autoritetit Rrugor Shqiptar, si dhe i bën atij 4 pyetje. Më poshtë deklarata e plotë e PD-së.
Mashtrimi i sotëm i Autoritetit Rrugor Shqiptar nuk e shpëton nga përgjegjësia penale për korrupsion dhe shpërdorim detyre Drejtorin Afrim Qëndro dhe as shefin e tij Edi Rama.
Në përpjekje për të mashtruar shqiptarët, ARRSH provoi si të vërtetë denoncimin e PD për shkeljen e procedurave kryesore, të parashikuar nga VKM nr. 628/2015.
Drejtori i ARRSH-së, që mbahet mend si njeriu që përmbyti Tiranën me urdhër të Edi Ramës në vitin 2001, pasi të konsultohet me ligjin, duhet të përgjigjet:
• Pse projekti është tenderuar me urgjencë dhe pa kryer më parë studimin e fizibilitetit? ARRSH nuk mund të fshihet pas të shkuarës, sepse projekti për Unazën e Re është projekt i ri, i kërkuar në Janar 2018 nga Bashkia e Tiranës.
• Pse projekti është tenderuar me urgjencë dhe pa kryer më parë procedurat për marrjen e lejeve të nevojshme, përfshirë marrjen e detyrueshme të Vlerësimit të Ndikimit në Mjedis? Projekti është tenderuar në 10 Shtator 2018, është shpallur fituesi në 19-21 Tetor 2018, ndërkohë që aplikimi për vlerësimin e ndikimit në mjedis është bërë më datë 8 nëntor 2018 dhe është marrë më 12 nëntor 2018, pasi kishte nisur zbatimi i projektit dhe pasi projekti ishte denoncuar si korruptiv dhe i paligjshëm nga opozita.
• Pse projekti është tenderuar me urgjencë dhe pa kryer më parë procedurat për vlerësimin paraprak të kostove dhe përfitimeve, përfshirë vlerësimin mbi vlerën paraprake dhe të mundshme të shpronësimeve? Ky nuk është fondi i shpronësimeve që miratohet me VKM, për të cilin mashtron ARRSH-ja, por vlerësimi paraprak i shpronësimeve, që është i detyrueshëm të realizohet përpara miratimit të projektit.
• Pse ka kërkuar sponsorizim për projektimin në kundërshtim me ligjin e sponsorizimeve? Kjo procedurë nuk ka asnjë ngjashmëri me rastin e referuar për një segment tjetër të Unazës së Re.
Nevoja për të justifikuar vjedhjen dhe shkeljen e ligjit me projektin 40 milionë euro, e detyron Drejtorin e ARRSH-së t’u thotë shqiptarëve se ai po ndjek të njëjtën procedurë si 10 vjet më parë, kur ligji e detyron që të ndjekë vetëm procedurën e miratuar në 2015-ën nga qeveria e Edi Ramës!
Partia Demokratike përsërit thirrjen për prokurorinë që të dëgjojë zërin e banorëve dhe të marrë menjëherë në shqyrtim kallëzimin e tyre penal.
Çdo zyrtar i përfshirë në këtë aferë gjigande korruptive duhet të përgjigjet para ligjit!
Ky kujton se do e mbroje Rama. Ky me keto procedura hanka burgun. Opozita mos ti beje thirrje prokurorise, por ti beje gati nje dosje te cilen tja dergoje prokurorise kur te jete vete ne pushtet. Dhe shiko ti si del e bilbilos prape ky ne televizor
Ky ndofta deri diku ka te drejte. Per ta lidhur pak me rastin e Ylli Rakipit, PD-ja ti beje nje pyetje ketij drejtorit…. A ka dijeni ky per hapjen e portave te liqenit artificial qe u permbyt Tirana kur ishte Titullar ne bashki kur drejtonte Edi Rama? Cili ishte personi qe zbatoi urdherin e Rames per hapjen e portave te liqenit artificial?
Pastaj vijme tek keto pyetje qe jane bere sot, dhe mesa duket ky eshte kamikaz i Rames per pune te ndyra me deme kolosale….. . Kete rradhe nuk besoj se do ja hedhin kollaj qe te dy bashke perfshire edhe te tjeret qe kane lujt dhe kane ly gishtin