Alessia Marcuzzi është një ndër moderatoret më të njohura të ekraneve në Itali dhe së fundmi pritet të fillojë drejtimin e programit të famshëm: “L’Isola dei Famosi” ( Ishulli i të famshmëve).
Por edhe pse tepër e zonja në profesionin e saj, ndjekësit e kanë kritikuar shpesh për këmbët jo perfekte. Këtë herë ajo zgjodhi t’i kundërpërgjigjet atyre dhe madje me ironi.
Duke publikuar një video teksa ecën në korridoret e studiove dhe ku këmbët e saj të gjata të bien në sy menjëherë, Alessia ka thënë këto fjalë:
‘Marcu, mund të kalojë një tren mes këmbëve të tua’. “Kjo ishte një nga frazat më të lezetshme që më thoshin në vitet e shkollës. Kishin të drejtë, e di! Me kohën kam mësuar që nëse e pranon një defekt me lehtësi, mund ta shndërrosh në pikë të fortë… Ose në diçka unike që e ke vetëm ti. Kështu që këmbët e mia janë me të vërtetë shumë të shtrembra dhe s’dua të thuhet e kundërta”, shkruan Marcuzzi e cila numëron 3.9 milionë ndjekës në llogarinë e saj në Instagram dhe është një ndër prezantueset ikonë të televizionit italian.