Një shqiptar është shpallur në kërkim nga policia italiane pasi akuzohet për trafik droge, dhe armëmbajtje pa leje.
Shpallja e tij në kërkim u bë pasi policia italiane gjeti në makinë që rezultonte në pronësi të shqiptarit, identiteti i të cilit nuk është bërë publik, 1.2 kilogramë kokainë, një pistoletë dhe 10 mijë euro. Policia kontrolloi makinën, pasi dyshuan për faktin se ajo kishte shumë kohë që ishte lënë e parkuar.
Pas një kontrolli policia zbuloi dy vende të fshehura, njëra te airbag, në të cilën ishte fshehur arma, një pistoletë Smith Ëesson, e cila rezultonte e vjedhur, ndërsa poshtë sediljes së pasme, ishte sajuar një xhep ku ishte fshehur droga, e ndarë në 4 pjesë, e cila nëse do të hidhej në treg do të kapte vlerën e 100 mijë euro. Policia gjeti gjithashtu edhe 10 mijë euro.