Tom Hanks nis negociatat për të luajtur rolin e menaxherit të Elvis Presleyt

Tom Hanks ka filluar negociatat me Warner Bros, për të luajtur rolin e menaxherit të Elvis Presleyt, kolonel Tom Parker në filmin e ri nga regjisori Baz Luhrmann.
Burime Variety kanë treguar se buxheti ende po konsolidohet sa i përket filmit, por ka shpresë se Hanks do të jetë pjesë e tij për t’i dhënë shtytje filmit.
Luhrmann do të jetë regjisor i filmit, skenarin e të cilit e shkroi me Craig Pearce.
Hanks nuk është i panjohur në filmat e personaliteteve të njohura, pasi ai ka luajtur edhe rolin e Walt Disneyt në filmin “Saving Mr. Banks” dhe astronautin Jim Lovell në “Apollo 13”.