Bregu i Lumit është gdhirë sot nën shtetrrethim policior.
Me dhjetra forca policore me skafandra dhe mburoja dhe të mbështetur nga forcat speciale kanë hyrë në zonën ku një ditë më parë u protestua ashpër kundër shembjes së banesave nga ana e banorëve të zonës.
Policia ka rrethuar të gjithë zonën te Bregu i Lumit dhe nuk lejon as median të afrohet.
Ndërkohë që përfaqësuesit e PD dhe opozitës po shkojnë tek Komisariati 4 ku janë shoqëruar edhe gra e fëmijë.