Moti i keq ka shkaktuar probleme dhe vonesa në nisjen e trageteve.
Dy tragete që duhet të niseshin që mbrëmë nga Porti i Durrësit, janë nisur vetëm sot në mëmgjes, pasi deti ka qenë i palundrueshëm.
Tragetet për në Bari u nisën me 7 orë vonesë dhe parashikohet tê mbërrijnë në Bari rreth orës 14.00.
Ndërsa tragetet Bari-Durrës mbërritën në orar dhe nuk ka pasur probleme me pasagjeret.
Moti ka nisur të qetësohet dhe në orët në vazhdim pritet që forca e detit të bjerë, ndërsa orët e fundit në det të hapur forca arriti 9 ballë.