Partia Socialiste ka nënshkruar marrëveshjen për formimin e një koalicioni parazgjedhor me 23 parti aleate për zgjedhjet vendore të 30 qershorit. Ky formacion politik do të quhet “Aleanca për Shqipërinë Europiane”, ku vërehet edhe pjesëmarrja e Partisë Demokracia Sociale, e drejtuar nga Paskal Milo, kundërshtar i kryeminstrit Edi Rama në zgjedhjet e fundit qendrore të qershorit 2017.
Përmes kësaj deklarate të përbashkët për shtyp, subjektet politike të opozitës së bashkuar që kanë shpallur bojkotimin e lokaleve, ftohen sërish që t’i bashkohen garës elektorale, duke u drejtuar gjithsesi gishtin e përgjegjësisë për mospjesëmarrjen në zgjedhje. “Mospjesëmarrja nga disa subjekte politike nuk është përgjegjësi e qeverisë, por e llogarive të gabuara dhe kundërproduktive të lidershipit të këtyre subjekteve që interesat e ngushta personale i kanë vënë mbi interesat kombëtare.”- shkruhet në deklaratë.
Në dokument sillen në vëmendje zgjedhjet e vitit ’96, dukeparalajmëruar se përpjekjet për deformimin e vullnetit të zgjedhësve nuk do të tolerohen. “Dhuna mbi zgjedhjet dhe përsëritjet e skenarëve të vitit ‘96 mbi vullnetin e zgjedhësve, nuk do të tolerohet jo vetëm nga qytetarët dhe organet shtetërore, por edhe nga komuniteti ndërkombëtar.”- përmbyllet deklarata.
Lista e plotë e partive të koalicionit “Aleanca për Shqipërinë Europiane”:
1-Partia Socialiste e Shqipërisë,
2-Partia Demokracia Sociale,
3-Partia Socialdemokrate,
4-Aleanca Arbnore Kombëtare,
5-Aleanca Demokratike,
6-Aleanca e Maqedonasve për Integrim Europian,
7-Aleanca për Barazi e Drejtësi Europiane,
8-Aleanca për Demokraci dhe Solidaritet,
9-Minoriteti Etnik Grek për të Ardhmen,
10-Partia Aleanca Popullore,
11-Partia Ardhmëria Shqiptare,
12-Partia Demokracia e Re Europiane,
13-Partia Demokratike për Integrim dhe Prosperitet,
14-Partia e Gjelbër,
15-Partia e Pajtimit Kombëtar,
16-Partia e Reformave Demokratike Shqiptare,
17-Partia e të Drejtave të Mohuara,
18-Partia e Unitetit Kombëtar,
19-Partia G99,
20-Partia Kristian-Demokrate,
21-Partia Lëvizja Punëtore Shqiptare,
22-Partia për Mbrojtjen e të Drejtave të Emigrantëve,
23-Partia Socialiste e Moderuar,
24-Partia Social-Punëtore Shqiptare.