Senati amerikan zyrtarizoi emërimin e Kate Marie Byrnes si ambasadore të re të SHBA-së në Maqedoninë e Veriut. Lajmi është publikuar në faqen zyrtare të Kongresit.
Byrnes është diplomate karriere, veterane me 24 vite stazh pune. Nga shtatori 2017 ka qenë në pozicionin e zëvendës ambasadores në Ambasadën amerikane në Athinë. Flet spanjisht, hungarisht dhe turqisht.
Senati muajin e kaluar ka pasur konfirmim të nominimit të Byrnesit. Ajo atëherë paralajmëroi tre prioritete të cilat do të jenë në fokusin e punës së saj si ambasadore e ardhshme në Shkup- stabilitetit përmes institucioneve të fuqishme, siguri përmes partneritetit dhe promovimit të prosperitetit përmes ndikimit pozitiv me fokus avancimin e të drejtave të njeriut, media të lira dhe tregje të hapura.