Një bombë e Luftës së Dytë Botërore ka shpërthyer në rrugët e Londrës në Angli. Prej shpërthimit disa makina janë shkatërruar, ka patur dëme edhe në disa shtëpi e rrugë.
Gjithë skena duket sikur ka ndodhur një fatkeqësi. Banorët nuk mund ta besonin se ky kaos kishte ndodhur vetëm për shkak të një bombe të pakontrolluar. Ekspertët e ushtrisë u thirrën pasi bomba gjermane u zbulua në një ndërtesë në Kingston, në jug-perëndim të Londrës, të enjten. Rreth 1,500 banorë janë evakuuar.
Një banor shkroi në “Twitter”: “Ishte një shpërthim i fuqishëm që ngjante si një gjëmim. Disa persona të tjerë thanë se ajo që kishin përjetuar ishte si një apokalips. Keeley Malone, 21 vjeç, tha: “Njerëzit qanin nëpër rrugë, nuk doja ta shikoja atë skenë në të vërtetë. Nga ajo që pashë dje ishte e tmerrshme. Shumica e dritareve të shtëpisë poshtë rrugës u thyen. Kishte rërë kudo”.
Ndërsa kryeinspektori Sally Benatar tha: “Çështja e shpërthimit të kësaj pajisjeje është marrë me seriozitet të lartë dhe dëshiroj të falënderoj ushtrinë dhe shërbimet e tjera emergjente për ndihmën dhe mbështetjen e tyre”.