Kompeticioni “Kënga Magjike” pritet me vëmendje të veçantë dhe cilësia veçse rritet çdo edicion.
Por si në çdo konkurs, ka persona të cilët ankohen për mënyrën se si zgjidhet fituesi/ja. Duke qenë se në “Kënga Magjike” artistët votojnë njëri tjetrin dhe shpesh kjo sjell hatërmbetje, producenti Ardit Gjebrea ka vendosur ta ndryshojë formulën këtë vit.
Në Instagram, ai shkruan;Këtë vit në #kengamagjike veç artistëve në netët finale do të votojë edhe publiku, këtë vit do të votojë edhe Juria e New Artist, vetë Juria këtë vit do të ketë ndryshime, këtë vit… nuk po i tregoj të gjitha, di vetëm që ky edicion do të jetë thjesht ai që do donte publiku dhe artistët! Ndaj kush mendon të jetë pjesë e magjisë 2019, le të fillojë përgatitjet që tani, të tjerat na i lini ne…” – ka përfunduar ai.