• |
ide | kryesore

Koncesioni mbi naftën/ PD: 100 mln euro për miqtë e Ramës

Lajme, Të fundit

Ish-deputeti i Partisë Demokratike, Agron Shehaj, ka akuzuar kryeministrin Edi Rama, për krijimin e një monopoli të ri në tregun e hidrokarbureve.

Në vazhdimësi të denoncimit të ditës së djeshme, kur publikoi në llogarinë e tij personale në “Facebook” një dokument, që sipas tij fakton këtë aferë korruptive, Shehaj thekson se kreu i qeverisë po jep me koncesion kontrollin e pompave që furnizojnë qytetarët me karburant, në kundërshtim me vendimin e gjykatës për pezullimin e tenderit.

Në një deklaratë për mediat, ish-deputeti thekson se koncesioni nuk sjell asnjë përfitim për shqiptarët dhe se kontrolli i pompave të naftës kryhej nga shteti dhe ishte një aktivitet fitimprurës në sajë të të cilit depozitoheshin në arkën e shtetit mbi 5 milionë euro në vit.

DEKLARATË E AGRON SHEHAJ

Edi Rama ka vendosur të krijojë një monopol të ri në tregun e hidokarbureve, duke dhënë me koncesion kontrollin e pompave që furnizojnë qytetarët me karburant.

Koncesioni, i vendosur në mënyrë të paligjshme, në kundërshtim me vendimin e gjykatës, nuk sjell asnjë përfitim për shqiptarët. Koncesioni i heq arkës së shtetit 100 milionë euro për 20 vjet dhe ia jep ato klientëve të Edi Ramës dhe familjes së tij.

Koncesion, bashkë me të gjitha koncesionet korruptive, do të anulohet nga PD. Kush vjedh shqiptarët, do të përballet me drejtësinë.

MINISTRIA SHPALL FITUES

  • Ministria e Financave dhe e Ekonomisë ka shpallur fitues të koncesionit për kontrollin e pompave të karburantit kompaninë Noa Control shpk.
  • Sipas Gjykatës Administrative të Tiranës, Tenderi për këtë koncesion është bërë në shkelje te ligjit.
  • Shpallja e fituesit te koncesionit është bërë duke shpërfillur vendimit e datës 27 maj 2019 të Gjykatës Administrative të Tiranës e cila vendosi pezullimin e tenderit.
  • Gjykata ka anulluar tenderin sepse “kriteret e dokumentacionit të koncesionit janë në kundërshtim me ligjin në fuqi” dhe urdhëron ministrinë të “ndryshojë kriteret dhe të fillojë tenderin nga fillimi”.

ÇFARË ËSHTË KONCESIONI I POMPAVE TË KARBURANTEVE?

  • Kontrolli i pompave të karburantit konsiston në kontrollin ligjor të instrumentave matës, nëpërmjet verifikimit të instrumenteve shpërndarës të karburanteve dhe gazit të lëngshëm.
  • Praktikisht, kontrollojnë shitësin që të mos mashtrojë konsumatorin në sasinë e karburantit.
  • Aktualisht kontrolli bëhet 2 herë në vit dhe qeveria arkëton pothuajse 60 euro për çdo kontroll.
  • Sot ky shërbim bëhet nga Drejtoria e Metrologjisë dhe sjell në arkat e shtetit rreth 5 milionë euro në vit.
  • Me dhënien e këtij shërbimi në koncesion, nëse nuk ndryshon tarifa, kompania e përzgjedhur nga Rama do të përfitojë këtë shumë për 20 vitet e ardhshme.
  • Praktikisht 100 milionë euro nuk do të shkojnë më në arkën e shtetit por në xhepat e Ramës dhe miqve te tij.

KRIJIMI I KOMPANISË NOA CONTROL DHE SI U PERZGJODH?

  • Kompania fituese e koncesionit është krijuar ne 2015
  • 1 vit pas krijimit kompania Noa Control shpk, në 2016, bën propozimin e pakërkuar për të marrë në koncesion shërbimin e kontrollit të pompave të karburantit.
  • Në qershor të 2018 qeveria pranon ofertën e pakërkuar dhe hap garën e tenderimit duke i dhënë kompanisë Noa bonusin prej 10 pikë.
  • Ne tetor 2018, para përfundimit të afatit për prezantimin e ofertave, kompania Penzoil i bën kerkes komisionit të prokurimeve publike të pezullojë garën e tenderimit sepse sipas saj kriteret e tenderit jane në kundërshtim me ligjin dhe parapercaktues të fituesit.
  • Komisioni urdhëron ministrinë të pezullojë tenderin dhe heton çështjen për rreth 4 muaj dhe në muajin shkurt 2019 vendos te rrezoj pretendimet e Kompanisë Penzoil.
  • Kompania Penzoil ankimon në Gjykatën Administrative vendimin e Komisionit dhe kërkon shfuqizimin e ketij vendimi.
  • Në datën 27 maj 2019 gjykata vendos të pranojë kërkesën e Penzoil për shkelje të barazisë në tender. Gjykata shfuqizoi vendimin e Komisionit dhe urdhëroi ministrinë te ndryshojë kriteret e dokumentacionit të tenderimit sepse janë në kundërshtim me ligjin në fuqi.
  • Ministria, në shkelje flagrante të ligjit dhe vendimit të gjykatës, shpall fitues kompaninë Noa Control.

ARSYET PSE MENDOJMË QE KY KONCESION ËSHTË KORRUPTIV DHE ËSHTË DHËNË NË SHKELJE TË LIGJIT?

  • Eshte shkelur haptaz ligji per koncesione, sepse Vendimi për të privatizuar këtë shërbim nëpërmjet koncesionit nuk është marrë ne baze te një analize kosto/përfitime per shtetin shqiptar. Ky shërbim sjell shumë përfitime ne arkat e shtetit, ka një kosto shumë të ulët ekzekutimi dhe Drejtoria e Përgjithshme e Metrologjisë do të vazhdojë të operojë edhe pas dhënies së koncesionit.
  • Kompania Noa Control është krijuar enkas për të propozuar dhe fituar këtë koncesion.
  • Te gjitha vendimet e marra nga qeveria jane në favor të kompanisë propozuese të tenderit.
  • Qeveria shperfill vendimin e Gjykatës, dhunon shtetin e së drejtës dhe kryen nje veper penale per te favorizuar nje kompani ne tender
  • Investimi është prej vetëm 600.000 euro, kurse perfitimet jane shumë herë më te medha, 100 milionë euro.
  • Kohëzgjatja prej 20 vjetesh është e pajustifikueshme, ka si qëllim vetëm krijimin e nje monopoli.

CILI ESHTE QELLIMI I KETIJ KONCESIONI?

  • Këmbëngulja me shpalljen e fituesit te koncesionit tregon qartas që skema e këtij koncesioni ka për qëllim të vetëm përfitimin prej 100 milionë euro te Ramës dhe miqve të vet.
  • Rama po implementon një strategji të mirëfilltë për kapjen afatgjatë të ekonomisë dhe tregut në Shqipëri.
  • Koncesionet dhe PPP, si e ka vënë në dukje edhe departamenti amerikan i shtetit, janë një instrument që i jep mundësi Ramës të krijojë nje rrjet grabitqaresh, bashkë me të cilët, synon të mbajë pushtetin dhe të ndajë përfitimet.
  • Kjo qeveri vepron si një organizatë kriminale, në shkelje flagrante të ligjeve dhe kushtetutës së Shqipërisë dhe në kushte pandeshkueshmerie të garantuar nga kapja dhe kontrolli mbi prokurorinë.
  • Partia Demokratike nuk do ndalojë së denoncuar vjedhjet e qeverise “Rama”.

Ky koncesion, bashkë me të gjitha koncesionet korruptive, do të anulohen nga Partia Demokratike.

  • Me ardhjen në pushtet me anë të votës së lirë të shqiptarëve të gjithë ata që sot po vjedhin shqiptarët, do të përballen me drejtësinë.

3 Comments

  1. Ai ka nje jete e dh mandate qe vepron keshtu. Te tjeret lodhen ky dhe miqt e tij gezojne. Sikur mos mjaftonte u futen ne loje dhe konubistat dhe fashistat e evtopes qe hajne kokoshka, marrin miliona dhe pastaj i fusin dhe sllogan morali.

  2. Shpifjeeeeeeeeee!!!!!
    Shpifjeeeeeeeeee!!!!!
    Shpifjeeeeeeeeee!!!!!

    Bertet me te madhe kryeministri \naltmaidhimi Rama.
    Kjo nuk eshte vjedhje, eshte thjesht nje kontrate e paster e nje kompanie te nderuar private .

    Jeni xheloz se do pasurohen ata???? Jeni pjese e Kazanit!!!

    Apo iu vjen keq se po iu vjedhin ne menyre te hapur te paturp dhe fyese per cdo njeri ??

    Motivet jane te ndryshme , konkluzioni dihet : termet, termet, termet eshte Rama – termet ia ke …i nanen krejt !!!

    Shume njerez kane filluar te dyshojne tek vetja sot: ore jemi palla , rrota …ari , jemi vertet kaq idiote qe na duken valle VJEDHJE ?!?!?! apo jane me gjithe mend hajdute e kriminele keta Rilindasit ???

    Dyshimet jane serioze 😛 , por e verteta eshte e Rama dhe Rilindasit iu duhet ….ire nena , iu duhet treguar dera e burgut dhe te mos dalin qe aty pa vdekur.
    Ka per ta zon haku i lekeve te shqiptarve, leku i te pamundurve, gjynahqareve , te semureve, jetimeve, LGBT-ve dhe cdo njeriu tjeter me halle plot

  3. E pare thelle dhe me gjakftohtesi mendoj se i ka zene mire haku i te gjitheve. Tani eshte bere i peshtire per tu pare e degjuar. Ok ka ndodhur. Nuk eshte hak ky? E ka te keqen te shperfaqur dhe te lexueshme . Nuk eshte hak? …….. ka mallkimin e te pamundurve dhe te atyre ndaj te cileve ka bere krime. Ky eshte hak……do ti vij dhe dita tjeter.

Lini një Përgjigje

Adresa juaj email s’do të bëhet publike.

Kthehu