Kryetari i Partisë Demokratike, Lulzim Basha është thirrur për tu paraqitur në prokurori ditën e nesërme në orën 09:00, për të dëshmuar në lidhje me dosjen “Toyota Yaris”.
Dje Prokuroria e Krimeve të Rënda, nëpërmjet një njoftimi shpërndarë për mediat konfirmoi ardhjen e katër prokurorëve belgë, të cilët do të asitojnë në marrjen në pyetje të liderit demokrat.
Belgët i kërkojnë Bashës përgjigjen e tre pyetjeve.
1-Si u informua Basha për sasinë prej 3,4 milionë Euro?
2-Cilat ishin informacionet ekzakte?
3-Kush ia dha zotit Basha këtë informacion?
RTV Ora mësoi se vetë kreu demokrat Lulzim Basha ka shprehur gatishmërinë e plotë të kontribuojë në hetimin e autoriteteve të drejtësisë belge, për të ndihmuar me informacionet që disponon në zbardhjen e lidhjeve kriminalo – politike në aferën e pastrimit të miliona eurove me garanci politike të përfaqësuesve më të lartë të kupolës së Rilindjes.
Hetimet për “ToyotaYaris” ku u sollën nga Belgjika 3.4 milion euro po kryhen edhe në Shqipëri. Për këtë procedim janë arrestuar 4 persona dhe janë shpallur në kërkim dy kushërinjtë, Alfred e Elvis Vladi, për të cilët dyshohej se ishin personat që kanë porositur makinat “Toyota Yaris”. Katër të arrestuarit në Shqipëri janë Edi Lika, Klevi Lika, Agim Ceka dhe Alban Mollaymeri.
Ore sufllaqexhinj, nga na është “zhdukur” Taulant Palla se se kam parë këto 2 ditët e fundit as në Asamble.
Balla po ben pall mos ja qaj hallin. Po meru pak me lulen, se ngeli futu dil ne prokurori.