Policia e Shtetit ka vënë në pranga katër persona, nën akuzën e dhënies së ndihmës për kalim të paligjshëm të kufirit me dokumente të falsifikuara, kundrejt shpërblimit monetar.
Në njoftimin e lëshuar për shtyp, Policia bën me dije se mes të arrestuarëve është “koka” e grupit dhe 3 persona të tjerë. Organizatori siguronte karta italiane të falsifikuara dhe kundrejt shumave të konsiderueshme në euro, mundësonte kalimin drejt vendeve të Bashkimit Evropian, me destinacion final Anglinë.
Ndërsa, 3 të ndaluarit e tjerë ndihmonin për falsifikim të dokumenteve, që i kishte marrë përsipër organizatori i grupit. Të arrestuarit janë shtetasit:
- B., 29 vjeç, lindur në Durrës dhe banues në Itali, si i dyshuar për kryerjen e veprave penale ‘’Ndihma për kalim të paligjshëm’’ dhe “Falsifikimi i letërnjoftimeve i pasaportave ose i vizave’’ (organizator);
A.C.,19 vjeç, banues në Koplik, Shkodër, i dyshuar për kryerjen e veprave penale ‘’Ndihma për kalim të paligjshëm’’ dhe “Falsifikimi i letërnjoftimeve i pasaportave ose i vizave’’, (këtij shtetasi iu gjetën në çantë kartat e identitetit italiane dhe kartat e shëndetit italiane të falsifikuara);
- L., 25 vjeç, banues në Durrës, i dyshuar për kryerjen e veprës penale ‘’Falsifikimi i letërnjoftimeve i pasaportave ose i vizave’’;
- A., 30 vjeç, banues në Durrës, i dyshuar për kryerjen e veprës penale ‘’Falsifikimi i letërnjoftimeve i pasaportave ose i vizave’’.
Në cilësinë e provës materiale, forcat policore kanë sekuestruar 4 karta identiteti italiane dhe 5 karta shëndeti italiane të dyshuara si të falsifikuara, 4 aparate celulare, 3 pasaporta shqiptare, 1 pasaportë italiane, 1 leje drejtimi italiane, 4 Boarding Pass me destinacion Tiranë – Lubjanë, 4 Boarding Pass me destinacion Lubjanë – Paris.
Materialet procedurale i kanë kaluar Prokurorisë pranë Gjykatës së Shkallës së Parë Tiranë, për veprat penale “Ndihma për kalim të paligjshëm” dhe “Falsifikimi i letërnjoftimeve i pasaportave ose i vizave”.
Uauaua policia?!