Prindërit e ish-kryeministri Mateo Renzi, janë shpallur fajtorë nga gjykata italiane, për lëshimin e faturave të falsifikuara.
Tiziano Renzi dhe Laura Bovoli, të dy në të 70-tat, u shpallën fajtorë për dhënien e 160 mijë eurove, nëpërmjet faturave të rreme ndaj dy kompanive të vogla.
Me një vit e nëntë muaj burg, janë dënuar babai dhe nëna e Rencit, por që do t’u mundësohet që ta shlyejnë dënimin me periudhë prove.
Ish-kryeministri Renzi, i cili sapo është larguar nga ‘Partia Demokratike’ dhe ka krijuar lidhjen e ti të re të qendrës ‘Italia Viva’, ka mbështetur me forcë pafajësinë e prindërve.
Avokatët e çiftit thonë që do ta çojnë në apel, ndërkohë që biznesmeni i përfshirë, Luigi Dagostino, u dënua me dy vite burg për pranimin e faturave.