• |
ide | kryesore

VOA: Prokurori Ndoja, figurë kontroverse me shumë dritëhije

Lajme, Të fundit

Prokurori i Durrësit Arjan Ndoja ka qenë mbrëmjen e së premtes shënjestër e një atentati. Automjeti me të cilin ai po udhëtonte është qëlluar me breshëri automatiku në një nga rrugët në hyrje të qytetit të Durrësit. Ndoja ka mbetur i plagosur, jashtë rrezikut për jetën.

Po ashtu dhe një tjetër person që ndodhej në automjet Aleksandër Laho, si dhe një person i tretë, Andi Maloku, i cili thuhet të jetë shoferi i Prokurorit. Maloku, ndodhte në gjendje kritike dhe është transportuar drejt spitalit të Traumës në Tiranës, në hyrje të të cilit janë vendosur forca të shumta policie, ndërsa prokurori dhe personi tjetër Laho, ndodhen në spitalin e Durrësit, gjithashtu nën kontrollin e rreptë të forcave të policisë.

Emri i prokurorit Ndoja, u bë i njohur pak javë më parë, pas urdhërit të tij për arrestimin e Drejtorit të Hipotekës së Durrësit, Liridon Pula. Një akt që solli një reagim të fortë nga drejtuesit më të lartë të Qeverisë, kryeministri Edi Rama dhe zëvendëskryeministrit Erion Braçe, të cilët në mënyrë të përsëritur e akuzuan atë si një personazh të lidhur me botën e krimit e që vepron për llogari të bandave të Durrësit.

Ndoja rezulton të jetë një figurë kontroverse me shumë dritëhije. Përpara se të emërohej prokuror, ai ka qenë avokat, ku mësohet se ka mbrojtur emra të botës së errët të krimit. Më pas ai është përmendur dhe në episodin e sulmit, disa vite më parë në Durrës, të një avokati të njohur të këtij qyteti.

Nga ana tjetër, personi që udhëtonte me të në makinë Aleksandër Laho, është një personazh problematik, i dyshuar për përfshirje ne aktivitete kriminale, që ka ndryshuar disa herë identitetin, dhe që dyshohet të jetë i përfshirë dhe në rrahjen që ju bë një biznesmeni libanez, i cili po investonte për ndërtimin e një kompleksi turistik në Gjirin e Lalzit. /VOA

5 Comments

  1. Ashtu eshte, pikes I ke rene.
    Ti andi qenke I squt, sheh skakun jo pasojat. Biles berisha nxiti ramen ta shaje prokororin pak kohe me pare.

  2. Ky dihet qe ka lidhje me kriminele dhe ja perfundimi, por ne kete rast eshte goditur shteti dhe ajo qe eshte me e rendesishme Organi akuzes. Pushtetaret nuk e kuptojne se keshtu filloj loja, ne fillim prokuror e gjyqtare, dhe me vone i vjen rradha dhe atyre. Veproni sa nuk eshte vone permdryshe do pendoheni dhe sdo ti gezoni leket qe keni fituar pa mund dhe djerse

  3. Ngjarja me këtë prokurorin e Durrësit të sulmuar publikisht nga Braçe e Rama, megjithë të panjohurat e saj, dëshmon për faktin se Vetingu i trumbetuar si një sukses i madh i reformës në drejtësi, rrezikon të përplasë me njeri tjetrin juristët deri në atentate.
    Abuzimet që mund të bëhen duke vënë një palë juristësh kundër të tjerëve, e ku padyshim përzihen edhe bandat kriminale, në vënd ta sanojnë drejtësinë shqiptare, mund të krijojnë një të keqe të madhe.
    E keqja e madhe mund të vijë se duke u vënë juristët në shënjestër nga qeveria, pak kush prej tyre do të ketë dëshirën të meret me këtë profesion përderisa e ardhmja e karrierës por edhe e jetës së tyre, do të varet nga një psikopat kryeministër, e nga një kone e tij zëvendës.

Lini një Përgjigje

Adresa juaj email s’do të bëhet publike.

Kthehu