• |
ide | kryesore

Tirana dhe Durrësi, qytetet me të rrezikuara nga degradimi i tokës prej ndërtimeve pa kriter

Arkiva, Lajme, Të fundit



Tirana paraqitet me nivelin më të lartë të presionit mbi degradimin e tokës, kryesisht prej ndërtimeve pa kontroll, shtimit të popullsisë dhe erozionit, thuhet në një studim të fundit të Programit të Kombeve të Bashkuara në vendin tonë për masat dhe mjetet që duhen marrë kundër ndikimeve negative të klimës në mjedis.

Tirana dhe Durrësi janë vlerësuar me normën më të lartë të rrezikut për shkak se dyndjet e popullsisë nga qytetet e tjera janë bërë jashtë kontrollit të shtetit.

Urbanizimi i shpejtë dhe i pakontrolluar, që po bëhet jashtë ndikimit të shtetit, i përkeqëson kushtet e përdorimit të qëndrueshëm të tokës. Me vonë, në rast fatkeqësish natyrore, popullsia e këtyre qyteteve pëson edhe demet më të mëdha.

Gjithashtu Tirana dhe Durrësi vlerësohen me një rrezik të lartë për ndërtimet jashtë kontrollit në raport me planet urbanistike.

Qytete e Shkodrës dhe të Lezhës paraqiten më të nivelet më larta prej përmbytjeve dhe rrëshqitjeve të tokës, të shtyra dekadat e fundit edhe nga ndryshimet klimaterike.

Shkodra dhe Lezha gjithashtu kategorizohen si qarqet me rrezikun më të lartë për humbjen e biodiversitet nga ndryshimet e klimës.

Ndërsa qarku i Kukësit klasifikohet si më i rrezikuari nga degradimi masiv i tokës prej largimit masiv të popullsisë.

Rezultatet specifike të monitorimit të erozionit në basenin e Ulzës treguan se tashmë 31% e rezervuarit është e mbushur me sediment, me një pjesë të konsiderueshme të depozitimit, që ndikon kapacitetin funksional të HEC-ve. Pyjet janë mbizotëruese në Ulzë me vetëm 43% të sipërfaqes totale, ndërsa 30.3% është e ekspozuar ndaj erozionit të tokës.

Gjithashtu baseni i Bovillës është i rrezikuar nga eurozioni, pasi rajoni është i banuar nga 9 fshatra, të cilat kanë ndihmuar në degradimin e pyjeve me shkurre të kombinuara me kullota.

Degradimi i mbulesës së bimësisë që vlerësohet nga imazhet satelitore është në rangun prej 12% deri në 22%. Pjesët e poshtme janë më të shfrytëzuara nga aktivitetet bujqësore dhe blegtorale, bimësia degraduese natyrore. Studimi i PNUD cilëson se sidoqoftë, cilësia e ujit ndikohet nga mbeturinat e njerëzve dhe plehrat e kafshëve që arrijnë në rrjedhat e poshtme në kohë reshjesh. /monitor



4 Comments

  1. Nese do isha kryeminister do e zhvendosja kryeqytetin diku tjeter. Tirana e re do e quaja dhe do ta dertoja multicentrike dhe me nje plan urbanistik te miratuar qarte. Ndertesat do izhin antizimike dhe me standarte b
    europiane banimi.Njekohesisht me ndertimjn e lagjeve do niste puna edhe per metrone, pasi per 10 vite qyteti do arrjnte mbi 800 mije banore. Ndersa kjo tirana e sotme do ngelej nje geto e madhe.

    1. Por kjo nuk eshte strategji e sakte per nje vend. Gjithe popullsia po shkon dhe do shkoje ne Tirane.
      Ra edhe 1 termet tjeter i forte dhe 1/2 e popullsise se Shqiperise te shkoje per lesh… Qytete si Shkodra, Vlora, Lezha, Dibra, Korca, Laci etj etj pothuajse do zhduken ose do ngelin vetem pleqte dhe do ishte katastrofe per vendin. Duhen politika zhvilluese sikur ben Gjermania, emigrantat nuk i con ne Berlin por i con ne qytete gati te panjohura qe ta zhvilloje gjithe vendin gradualisht.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *