Gjykata ka lënë në burg një 29 vjeçar shiqiptar në Itali i cili akuzohej për disa vepra penale si “vrasje e mbetur në tentativë” si dhe për qëllimin me armë drejt policisë.
Sipas medias italiane BrindisiReport, Rigent Xhixha u arrestua në 4 shkurt të këtij viti në qendër të Brindisit pas disa ditësh ndjekje nga karabinierët.
Në 30 janar ai u bë pjesë e një shkëmbimi zjarri me policinë. Policia po e ndiqte atë në qytetin e Teramos. Ai doli nga makina ku ndodhej dhe filloi të qëllonte me armë zjarri drejt tyre teksa largohej.
Ai arriti t’i largohej autoriteteve ku vetëm disa ditë më vonë u arrestua në Brindisi në apartamentin e tij.
Gjatë kontrollit në banesën e tij iu gjet dhe arma me të cilën qëlloi drejt policisë.