Mbledhja Shqipëri-Kosovë/ Arrin delegacioni në Pallatin e Kongreseve

Delegacioni i Kosovës ka mbërritur në ambientet e Pallatit të Kongreseve, ku do të zhvillohet mbledhja e përbashkët mes Shqipërisë dhe Kosovës. Në këtë takim mes qeverive priten të nënshkruhen 14 marrëveshje. Shumica prej tyre janë marrëveshje ekonomike duke filluar nga shmangia e tatimit të dyfishtë mbi të ardhurat si dhe një marrëveshje bashkëpunimi mes Ministrisë së Financave dhe Ministrise së Ekonomisë dhe Punësimit. Në fokus do të jetë po ashtu edhe një marrëveshje mbi përballimin e situatës me koronavirusin si dhe çështje të tjera që kanë të bëjnë me sigurinë dhe transportin.

“Bashkë pa kufij. Në një rajon pa kufij” është sllogani i mbledhjes së dy qeverive Shqipëri dhe Kosovë. Fotoja nga tryeza e përbashkët është publikuar nga zv.kryeministrja e Kosovës, Albulena Halimaj.