Ende pa bërë 3 javë pas konfirmimit me COVID- 19, kryetarja e Bashkisë Shkodër, Voltana Ademi, shfaqet në një takim të mbledhjes se komisionit të mbrojtjes civile në prefekturën e qarkut Shkodër.
Që nga momenti kur ka dalë pozitive në 22 shtator 2020 dhe deri më tani janë bërë 18 ditë, por Ademi tashmë ka lënë shtëpinë e saj dhe ka ardhur në takim. Zyrtarëve të tjerë të pranishëm Ademi i tha se duhet të më ketë kaluar virusi pavarësisht se nuk ka mbushur ende 3 javë.
Ademi ka qenë me maskë, por nga ana tjetër është kollitur disa herë duke treguar se gjendja e saj shëndetësore nuk është ende e mirë.
Sipas DSHP, izolimi duhet për dy javë, çka do të thotë se Ademi e ka kaluar kohën e vetëkarantimit, por ndërkohë nuk ka bërë tampon të dytë.