Policia e Fierit arrestoi një person të shpallur në kërkim nga autoritetet italiane. Sipas policisë në pranga është vënë shtetasi Viron Tavanxhiu 40 vjeç, i cili është dënuar në Itali me 25 vite burg për vrasje.
Gjithashtu, Gjykata e Shkallës së Parë Korçë, e ka dënuar këtë shtetas me 8 muaj burgim për veprën penale “Falsifikim i letërnjoftimeve, pasaportave ose vizave”, thuhet në njoftimin e policisë. Materialet i kaluan Prokurorisë, për veprime të mëtejshme procedurale.