Policia e Tiranës ka nisur procedimin penale për 15 persona, pas protestës së zhvilluar pasditen e djeshme në qendër të kryeqytetit në mbrojtje të Palestinës, pas sulmeve nga Izraeli. Mësohet se 15 qytetarët janë proceduar në gjendje të lirë për thyerje të rregullave anti-Covid.
Sipas uniformave blue, ata akuzohen për veprat penale “Organizimi dhe pjesëmarrja në grumbullime e manifestime të paligjshme”, “Mosbindja ndaj urdhrit të punonjësit të policisë së rendit publik” dhe “Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”.