Thomas Markle Jr, gjysmë-vëllai i Meghan Markle, është bërë së fundmi pjesë e “Big Brother VIP Austraila”.
Përmes faqes zyrtare në Twitter, “Big Brother AU” ka postuar video të konkurrentëve. Në video, Thomas është prezantuar si vëllai i Meghan dhe e ka përshkruar motrën e tij si “një njeri të cekët” . Gjithashtu ai ka rrëfyer se e paralajmëroi Princi Harry që të mos martohet me Meghan.Përpara dasmës mbretërore të ciftit në maj të 2018-ës, Thomas i dërgoi një letër Harry-t, në të cilën ai e paralajmëroi se nuk ishte vonë të kthehej prapa.Sipas tij , Meghan nuk ishte gruaja e duhur për të dhe ajo po luante rolin e një princeshe si një aktore hollivudiane e dobët.