Universiteti i Oksfordit dhe kompania farmaceutike AstraZeneca kanë filluar studimet për të zhvilluar një vaksinë të re që do të synojë variantin Omicron , sipas një raporti të Financial Times.
Në të njëjtën kohë, drejtori i OBSH-së për Europën paralajmëroi vendet që të përgatiten për një “rritje të konsiderueshme” të rasteve për shkak të Omicron, duke vënë në dukje se deri më tani varianti ka prekur kryesisht të rinjtë.
“Ne po shohim një stuhi tjetër që po vjen drejt nesh. “Brenda pak javësh, Omicron do të jetë dominues në më shumë vende të rajonit, duke i mbingarkuar edhe më shumë sistemet shëndetësore”, tha Hans Kluge.