Rebel Wilson ka kritikuar presidentin rus, Vladimir Putin, gjatë ceremonisë vjetore të BAFTA Awards.
Putin është përballur me kritika intensive javët e fundit për pushtimin e Ukrainës. Mijëra njerëz mendohet se janë vrarë deri më tani në luftime dhe agjencia e OKB-së për refugjatët thotë se 2.6 milionë ukrainas janë larguar nga vendi që nga 24 shkurti.
Në një moment, kur shpjegoi sesi performanca e këngëtares Emilia Jones do të shoqërohej nga dy përkthyes të gjuhës së shenjave dhe dallimet mes tyre, Wilson tha: “për fat, në të gjitha gjuhët e shenjave, ky është gjesti për Putinin” përpara se të nxirrte gishtin e mesit.