Një 28 vjeçar ka rënë në prangat e policisë së Korçës pasi akuzohet se ka ushtruar dhunë fizike dhe psikologjike ndaj babait të tij.
Policia bën me dije se shtetasi me iniciale E. R., 28 vjeç, banues në Korçë, dyshohet se në banesë e tyre ka ushtruar dhunë fizike e psikologjike ndaj babait të tij, shtetasit Gj. R., 66 vjeç.
“Specialistët për Hetimin e Krimeve në Komisariatin e Policisë Korçë, bënë arrestimin në flagrancë për veprën penale “Dhuna në familje”, të shtetasit E. R., 28 vjeç, banues në Korçë, pasi dyshohet se në banesë, ky shtetas ka ushtruar dhunë fizike e psikologjike ndaj babait të tij, shtetasit Gj. R., 66 vjeç”, thuhet në njoftimin e policisë.