Një nënë 32-vjeçare me origjinë shqiptare u arrestua nga policia spanjolle e akuzuar për vrasjen e djalit të saj të mitur. “El Espanol” shkruan se gjithçka ka ndodhur të shtunën e kaluar në qytetin e vogël të Alicante.
Djali i vogël vetëm 2 vjeç po luante me vëllain e tij binjak, por nuk dihet se në çfarë rrethanash janë rrëzuar aksidentalisht. Nëna e tyre ka reaguar dhunshëm duke i goditur ata, por njëri nuk e ka përballuar dhe ka ndërruar jetë.
Më pas ajo ka njoftuar urgjencën, por mjekët nuk kanë pasur mundësi që ta kthenin fëmijën në jetë. Nëna e re është mbrojtur se gjithçka ka qenë aksidentale, por shenjat në trupin e fëmijëve ka bindur autoritetet për dhunën.
Edhe binjaku tjetër është në spital në gjendje të rëndë. Tashmë ajo do të përballet përpara drejtësisë për akuzën e vrasjes. ©LAPSI.al