Kosova dhe Shqipëria do të vijojnë bashkëpunimin në fushën energjetike, siç kanë bërë me dije ministret përkatëse të të dyja vendeve në këtë sektor.
Ministrja e Infrastrukturës dhe Energjisë së Shqipërisë, Belinda Balluku tha se do të ketë bashkëpunim mes KESH dhe KEK e po ashtu në terminalin e gazit të lëngshëm në Vlorë.
“Unë do t’i ndaja marrëveshjet sipas radhës. I pari është memorandumi për bashkëpunimin në fushën e energjisë. Ne jemi në dijeni për vështirësitë që kemi në fushën energjetike në kushtet e konfliktit Rusi-Ukrainë.
Duke pasur parasysh të gjitha projeksionet, kemi nisur nga puna disa muaj më parë për një protokoll të mirëfilltë bashkëpunimi mes KESH dhe KEK.
Ndërkohë, ky projekt tashmë i ka dhënë rezaultat se e kemi nisur shkëmbimin e energjisë vitin e kaluar. Duhet thënë që kjo marrëveshje do të pasohet edhe nga një marrëveshje tjetër, për terminalin LNG në Vlorë.
Ka si synim konkludimin e një marrëveshjeje ku Kosova mund të sigurojë kapacitetet e energjisë elekrtike për një periudhë afatgjatë. Ne duhet të dimë nevojat që ju keni për t’i adresuar”, tha Balluku.
po vendoset besen goje te ulkonjes shqiptare,, moret fund Albin Kurti
marrveshjet me bushtrat e rames kane bese sa mund te kene marrveshjet me shkjaun