• |
ide | kryesore

Habia/ Sallatë ruse në samitin e liderëve të NATO-s në Madrid

-Instant, Arkiva, Lajme, Të fundit

Teksa prisnin ardhjen e Presidentit të SHBA-së Joe Biden dhe liderëve të tjerë botërorë në lokacionin e sigurisë së lartë të NATO-s, në periferi të Madridit të martën, zyrtarët ndërkombëtarë dhe gazetarët u çuditën teksa panë “sallatën ruse ” në krye të menusë së restorantit brenda kompleksit ku zhvillohet takimi.


Përzierja e bizeleve, patateve, karotave dhe majonezës është një element kryesor në menutë e restoranteve spanjolle, por përpara një samiti në të cilin Rusia pritet të etiketohet si një kërcënim sigurie në konceptin e ri strategjik të aleancës, pas pushtimin e Ukrainës, pjata shkaktoi jo pak batuta.


“Sallata ruse në një samit të NATO-s? Jam pak i befasuar nga kjo zgjedhje e pjatës,” tha gazetari Iñaki López për median spanjolle “La Sexta”.

Megjithatë, përmbajtja e lartë e karbohidrateve të kësaj pjate duket se e kapërcen emrin e saj të dyshimtë dhe thuhet se u shit plotësisht brenda disa orësh.

NATO summit in Madrid

Më shumë mendim diplomatik u aplikua në menunë e shërbyer për ministrat e të mbrojtjes dhe atyre të jashtëm në një banket në Pallatin “Barok Santa Cruz” në Madrid të martën në mbrëmje.

Jose Andres, kuzhinieri spanjoll pjesëmarrës edhe në serialin e Netflix, “Tabela e kuzhinierit”, i cili koordinoi vaktin, shërbeu pjatën klasike, por shtoi “feta domateje” dhe e ripagëzoi atë “sallatë ukrainase” siç ka bërë në restorantet e tij në të gjithë Spanjën, citon Reuters. /LAPSI.al

4 Comments

  1. Ne nje vend si Spanja ku Nato pranoi diktaturen fashiste deri me 1975, madje pa e shqetesuar me kushte “demokratike”, e 40 vjet pas nje lufte civile me tone te forta antifashiste, imazhi per boten eshte me i gjere se logu i samiteve.

    Sallata ruse, thjesht element i shijes popullore pas mesimeve nga historia e Spanjes.

Lini një Përgjigje

Adresa juaj email s’do të bëhet publike.