• |
ide | kryesore

Selanik/ Shqiptari shpallet fajtor për goditjen me grusht të 14-vjeçarit, e ëma në gjykatë: Pashë fëmijën me dhëmbë të thyer e gjak

-Instant, Arkiva, Lajme, Të fundit

Një 45-vjeçar me origjinë nga Shqipëria, i cili akuzohet se ka sulmuar një 14-vjeçar, duke i shkaktuar lëndime në fytyrë, është shpallur fajtor për lëndime trupore dhe kanosje nga Gjykata e Selanikut.


Sipas asaj që nëna e fëmijës ka raportuar sot para gjykatës, ngjarja ka ndodhur pasditen e së shtunës, 30 korrik, kur djali i saj kishte shkuar me shokët e tij në zonën IKEA në lindje të Selanikut për të ngrënë dhe kaluar kohën e lirë. 


“Isha e qetë derisa më thirri policia dhe më tha që ishte goditur fëmija im. Ai kishte gjak në sy, ishte i fryrë dhe kishte dhëmbë të thyer”, ka rrëfyer në gjykatë nëna e 14-vjeçarit, duke dorëzuar fotot përkatëse dhe ekzaminimet e plagosjes së të miturit.

“Siç më tha djali im, ai ishte me tre shokë të tjerë të tij kur një burrë iu afrua dhe filloi t’i shante në mënyrë të turpshme. Më pas e kapi për fyti shokun e tij dhe e hodhi poshtë. Pastaj djali im doli përpara për t’i ndarë dhe burri e goditi me duar. Nuk jam e sigurt nëse ka arritur të godasë edhe fëmijën tjetër, djali im kishte sytë e nxirë dhe gjak”, tha nëna e fëmijës.

Sipas informacioneve, i mituri kishte dëshmuar në polici se kishin shkuar në vendin e caktuar për të zgjidhur një keqkuptim që disa shokë të tij kishin pasur me një grup tjetër bashkëmoshatarësh.

Çfarë pretendoi i pandehuri?

I pandehuri me origjinë nga Shqipëria, i cili që prej vitit 1996 jeton në Greqi dhe punon prej 17 vitesh në një pikë karburanti në Selanik, ka dhënë para gjykatës një version krejt tjetër të ngjarjes. Ai mohoi të gjitha akuzat dhe pretendoi se ndodhej në vendin e caktuar pasi dyshonte se grupi i djalit të tij 14-vjeçar kishte një takim me një grup tjetër të miturish për të zgjidhur mosmarrëveshjet e tyre personale dhe kështu vendosi ta ndiqte pasi ishte i shqetësuar.

Kur mbërriti atje, pa një grup prej 30 personash që kishin një debat të ashpër verbal dhe nga frika se situata do të dilte jashtë kontrollit, u fut për t’i ndarë, pa dëmtuar asnj “Të premten dëgjova djalin tim duke folur në telefon, ai ishte në dhomë duke sharë fëmijët e tjerë. E pyeta se çfarë po ndodh dhe me çfarë duhet të ndahen, por ai nuk më tha asgjë.

“Të nesërmen pasdite, djali im shkoi me grupin e tij në zonën e IKEA-s. Kur më tha që ishte aty, sepse nuk shkonte ndonjëherë aq larg, 22 kilometra nga shtëpia jonë, atëherë vendosa ta ndjek sepse isha i shqetësuar që një ditë më parë”, tha shqiptari.

“Mora makinën time dhe shkova atje, i kërkoja në parking dhe më në fund i vura re në rrethrrotullim. Unë pashë 30 njerëz atje. Sa u afrova një grua më tha “do të vriten se po zihen prej pak kohësh”. Shkova atje dhe u thashë se do të telefonoja policinë. Mora djalin tim dhe tre ose katër fëmijë të tjerë që i njihja dhe i shtyva drejt stacionit të autobusit. Unë kurrë nuk e godita fëmijën. Isha i shqetësuar se si t’i ndaja. Nuk e di pse më akuzon, nuk mund të godisja një fëmijë. Nuk e njihja. Shkova të shikoj që nuk është bërë asnjë dëm, sepse do të kishim viktima. Pas ngjarjes mora fëmijët që ishin nga Perea dhe i ktheva në zonë. Nuk e pashë fëmijën që u godit dhe nuk u largova”, dëshmoi i pandehuri.

Vihet re se pala e të pandehurit ka folur për një takim që dhjetëra të mitur, 13-14 vjeç, kishin bërë pasditen e së shtunës (30 korrik), për të zgjidhur një mosmarrëveshje që kishte mes tyre dhe kishte të bënte me një vajzë.

Gjykata e shpalli fajtor 45-vjeçarin dhe e dënoi me nëntë muaj burg me tre vjet pezullimpër veprat e lëndimit trupor dhe kanosjes.

1 Comment

  1. Keshtu eshte kur Shqipetaret perfundojne rrugeve te europes si qen pa zot. Tall trapin Greku dhe ben cfar te doje.
    Une nuk mund te them nese ky eshte i pa fajshem apo jo, por ka plot raste te tjera te vertetuara te cilet jane denuar pa asnje prove.

Lini një Përgjigje

Adresa juaj email s’do të bëhet publike.