Paralajmërimi i CIA-s: Kina po përgatitet për luftë

Kreu i CIA-s, William Burns, ka siguruar se regjimi kinez mund të sulmojë Tajvanin në vitet e ardhshme. Ai iu referua faktit se presidenti Xi Jinping synon të përmbushë ambicien për të bashkuar ishullin me territorin kinez. Tensionet politike midis dy vendeve datojnë që nga lufta civile kineze (1927-1949). Kina ka përsëritur publikisht synimin e saj për të kontrolluar Tajvanin me mjete paqësore. Megjithatë  Burns, në një intervistë për rrjetin PGB, ka theksuar se Jinping gjithashtu do të kishte udhëzuar udhëheqjen e tij ushtarake që në vitin 2027 të ishte gati për të nisur një luftë eventuale.

“Nuk jam i sigurt se kur. Përgjigjja e sinqertë është se sa më shumë të hyjmë në këtë dekadë, aq më të mëdha do të jenë rreziqet e një konflikti ushtarak”, tha shefi i CIA-s.

Burns kujtoi se Xi Jinping dhe Presidenti rus Vladimir Putin kanë pasur një marrëdhënie të ngushtë vitet e fundit.
“Një javë para se Putini të niste pushtimin e tij në Ukrainë, kur u takuan në Lojërat Olimpike Dimërore në Pekin, ata shpallën një miqësi të pakufishme,” theksoi kreu i CIA-s.

Për sa i përket fuqisë ushtarake, Kina është superiore ndaj Tajvanit në pothuajse çdo drejtim. Megjithatë, Tajvani ka një rezervë më të madhe ushtarake të trupave tokësore. Ai i ka trajnuar në rast të një pushtimi në shkallë të plotë nga Kina. Një sulm ndaj Tajvanit është konsideruar i mundshëm që nga vitet ‘50.