Një 25-vjeçar është arrestuar në Vlorë me qëllim ekstradimi. Ai ishte shpallur në kërkim nga autoritetet spanjolle. 25-vjeçari që fshihej në Vlorë, u kap në Rrugën Transballkanike dhe u arrestua. Ai ishte shpallur në kërkim ndërkombëtar nga Interpol Madrid, pasi Gjykata Qendrore e Instruksionit në Spanjë i ka caktuar masën e sigurisë “Arrest në burg”, për veprat penale “Trafik narkotikësh”, “Grup kriminal” dhe “Mashtrim në fushën e energjitikës”.
Ai akuzohet si pjesëtar i një grupi kriminal në Spanjë, që merret me kultivimin e marijuanës. Materialet iu referuan Prokuorisë, për veprime të mëtejshme.