Përballja e Gledis Nanos me kryeministrin Edi Rama duket se nuk ka mbaruar me shkarkimin nga kreu i Policisë së Shtetit në ditët e fundit të gushtit 2022. Lapsi.al mëson se në Gjykatën Administrative të Tiranës ka nisur një betejë ligjore mes Nanos dhe qeverisë. Siç tregon burimi ynë pranë kësaj gjykate, ish-drejtori i Përgjithshëm i Policisë së Shtetit ka ngritur një padi përmes së cilës këron të vlerësojë si të paligjshëm shkarkimin nga Këshilli i Ministrave.
Do të ishte naive po qe se Gledis Nano do të pretendonte rikthimin në detyrë. Por nuk besojmë se është ky objektivi i tij. Ai vetëm sa kërkon të zhbëjë juridikisht vendimin e beftë të qeverisë për ta shkarkuar. Pikërisht cilësimi si “shkarkim nga detyra” në vendim është pjesa që atij i prishë punë. Rrëzimi i si i paligjshëm i këtij vendimi të qeverisë do t’i hapë rrugë më pas edhe ngritjes së pretendimeve të tjera nga Nano pse jo për dëmshpërblim financiar.
Gjyqtari i çështjes tregon burimi për Lapsi.al ka administruar pothuajse një pjesë të madhe të dokumentacionit që i duhet për këtë proces. Jo vetëm vendimin e shkarkimit i cili është i aksesueshëm publikisht, por edhe relacionin shoqërues të përgatitur enkas për të kopsitur ligjërisht shkarkimin e Gledis Nanos. Burimi ynë shton më tej se janë zhvilluar dhe seancat e para të procesit fundi i të cilit nuk dihet si do të rrjedhë.
Lexo edhe: Ajo që mbeti mister në shkarkimin e Gledis Nanos
Qoftë edhe formalisht për vijimin e karrierës së tij, mbase jo më kurrë në Policinë e Shtetit, por në një drejtim tjetër, një vendim qeverie me “shkarkim nga detyra” duket se nuk e ndihmon Gledis Nanon për t’u rikthyer ndonjëherë në strukturat shtetërore. Për këtë ai ka nisur në gjykatë një betejë me Edi Ramën ndërkohë që vijon edhe studimet Master në Fakultetin e Drejtësisë në një program të posaçëm të mbështetur nga OSBE.
Lexo edhe: Ikja e Gledis Nanos/ Drejtori që pëshpëriste në veshët e ambasadave
Shkarkimi i Gledis Nanos erdhi asokohe pasi ai kishte refuzuar largimin e negociuar me dorëheqje nga Policia e Shtetit. I orientuar edhe nga ambasada amerikane në Tiranë, e cila e kishte mbështetur vijimësisht Gledis Nanon, ai bëri rezistencë përballë Kryeministrit dhe Ministrit të Brendshëm. Rama pranoi më vonë se ia kishte kërkuar dorëheqjen Nanos, por sipas tij ai ia drodhi fjalën.
Lexo edhe: Letra e fundit/ Gledis Nano injoron Edi Ramën dhe Bledi Çuçin
Më pas erdhi shkarkimi që la pas shumë pikëpyetje dhe enigma. Gjerësisht u përhap narrativa se Gledis Nano u shkarkua sepse ishte një drejtor i Policisë së Shtetit që pëshpëriste më shumë se ç’duhej në veshët e ambasadave dhe kjo i prishte punë regjimit të Tiranës. Pikërisht për këtë arsye ai u shkarkua dhe do të mbahet mend si drejtori më jetëshkurtër në krye të Polcisë së Shtetit. Drejtori më jetëshkurtër dhe pa ndonjë shkëlqim të madh në detyrë, si në fakt të gjithë drejtorët e tjerë që Rama ka çuar në Policinë e Shtetit përgjatë këtyre 10 viteve. ©LAPSI.al
Gledis Nano nese eshte polic burre te nxjerre hajdutlliqet e ketij ZM
Po se i ka folur ne vesh tek ambasada amerikane ka bere gabim se ata jane te shitur e ja kane tefterosur Rames
Gledis foli popullit
Me fal, ZM eshte ‘zorremut’, ‘zorremadh’, ‘zar marsi’….apo cfare?😄😄😄😄😄😄
ZogMut?
Gledis ishte kafshe e pabindur. Ndaj e ndoqen nga cirku
“Ju pëshpëriste në vesh ambasadave të huaja” , prandaj e shkarkoi Rama Gledis Nanon.
Kështu pretendon Lapsi pa na dhënë ndonjë fakt për ta vërtetuar këtë por vetëm me hamendësi.
Une nuk di pse e shkarkuan ne te vertete, por Gledis Nano as duhet te ishte vene ne ate post. Mesa di ka lidhje te dyshimta me eksponente te krimit dhe madje edhe lidhje fisnore me ca te tjere. Keta kriminele si edhe disa shefa policie te lidhur me ta, fituan terren kur Gledisi u be drejtor
Nuk ka mundësi që politikanët që e kanë drejtuar këtë vend në gjithë këto vite të dalin dhe të thonë që tani do ta bëjmë këtë vend, nuk është e drejtë.
Berisha pretendon të drejtën supreme, nëse ti nuk e pranon atë që thonë ata, ti je armik. Kjo është një gjuhë e vjetër, janë lëvizje autoritare, dhe lëvizje të tilla nuk mund të jenë fituese.
Puntorin, te edukuarin, të shkolluarin nuk e duan hajdutët , e sulmojnë, nuk i ka shkuar nga pas atyre se është njeri me dinjitet.