Një 18-vjeçar hyri në rezidencën e Michael Jordan në Highland Park, në periferi të Çikagos. Këtë e zbulon faqja e internetit Tmz. Raiden Hagedorn, nga Mundelein, Illinois, ishte ende brenda në shtëpi kur policia mbërriti në vendgjarje dhe e arrestuan. Ai tani përballet me një akuzë për shkelje të ligjit dhe dy akuza për dëmtim kriminal të pronës.
Rezidenca, me nëntë dhoma gjumi, 19 banja, 14 hapësira garazhi, kuzhinë për një chef, palestër, fushë basketbolli të brendshëm dhe pishinë të hapur, është në shitje që nga viti 2012. Ish-ylli i NBA nuk ishte i pranishëm në momentin e incidentit, pasi nuk ka jetuar në rezidencë – që dallohet për pronësinë e Jordan nga numri 23 në portë – që kur e ka nxjerrë në shitje. Prona fillimisht u vlerësua në 29 milionë dollarë, më vonë reduktua në 15 milionë dollarë.
Truth, service and undeniable greatness. Welcome to the Family @HowardU #HowardxJumpman pic.twitter.com/C52BwItGf6
— Jordan (@Jumpman23) August 11, 2022