160 kg kokainë janë gjetur të fshehura në kontejnerë me banane të ardhur nga Ekuadori në portin e Selanikut. Autoritetet greke kanë bërë me dije se droga mbërriti në portin e Selanikut dhjetë ditë më parë. Vlera e drogës përllogaritet te jetë afërsisht 18 milionë euro.
Droga dyshohet se i përket grupit që u godit në fillim të majit. Nga operacioni policor u arrestuan dhjetë persona në Greqi dhe katër të tjerë në Maqedoninë e Veriut. Rrjeti në fjalë ishte i përfshirë edhe në kontrabandën e karburanteve dhe cigareve.