Bonusi i bebeve, një shpërblim financiar për nxitjen e lindshmërisë që nisi të aplikohej në vitin 2019, nuk duket se përmbushi qëllimin për nxitjen e lindjeve në vend.
Në mënyrë sistematike vit pas viti gati gjysma e shumës është përfituar nga bebet e lindura jashtë vendit. Qeveria shqiptare u shndërrua në një financues i lindurve jashtë vendit, pavarësisht se bebet u regjistruan formalisht në Shqipëri sa për të përfituar shpërblimin.
Ministria e Shëndetësisë raportoi se vitin e kaluar bonusi u shpërnda për 42,504 bebe, prej të cilave 17,816 ose 42 % kishin lindur jashtë vendit.
Gjithsej buxheti i shtetit financoi lindjen e bebeve më 3.1 miliardë lekë (27 milionë euro), ku gati gjysma kanë shkuar për familjet e emigrantëve shqiptare jashtë vendit.
Vitin e kaluar brenda Shqipërisë lindën vetëm 24,688 foshnja, teksa bonusi u shpërnda për më shumë se 42 mijë bebe. Në vitin 2022 lindjet brenda vendit shënuan rënie te fortë me 9 për qind, ndërsa në raport me vitin 2019 kur nisi shpërndarja e bonusit pësuan rënie me mbi 13%.
Në janar të vitit 2019 qeveria nisin dhënien e ndihmës së menjëhershme financiare (bonusi) për nënat me foshnja të porsalindura. Për fëmijën e parë bonusi ishte 40,000 lekë, për fëmijën e dytë e dytë 80,000 lekë dhe fëmijën e tretë 120,000 lekë për lindjen e fëmijës së tretë dhe fëmijëve të tjerë në vijim;
Për nënat që lindin binjakë, masa e përfitimit është 80 000 (tetëdhjetë mijë) lekë për secilin fëmijë, ndërsa për nënat që lindin trinjakë dhe më shumë, masa e përfitimit do të jetë në masën 120 000 lekë për secilin fëmijë. Vendimi i qeverisë ka përcaktuar se ndihmën e menjëhershme financiare e përfitojnë edhe nënat shtetase shqiptare për fëmijë të lindur jashtë vendit dhe të regjistruar sipas afateve ligjore të përcaktuara në ligjin për gjendjen civile.
Nëpunësi i gjendjes civile, i atashuar pranë institucioneve të shërbimit spitalor ku kryhet lindja, kryen veprimet e verifikimit on-line të statusit të nënës dhe regjistron fëmijën e lindur në Regjistrin Kombëtar të Gjendjes Civile (RKGjC) të vitit 2010.
Duke qenë se bonusi po përfitohet masivisht nga bebet e lindura jashtë vendit, Ministria e Shëndetësie la iniciuar një projektligj të ri që korrigjon dhënien e bonusit për fëmijët e lindur jashtë. Ndryshimet e reja ligjore targetojnë bonusin vetëm për bebet që lindin brenda territorit shqiptare dhe jo për të gjitha lindjet që regjistrohen tek gjendja civile.
Lindjet në Shqipëri po bien me shpejtësi prej rënies së normës së fertilitetit dhe emigrimit të moshave të reja. Demografët i bëjnë thirrje qeverisë që të nxisë lindshmërinë dhe stimujt për familjet e reja./ Monitor
Me lehtesimin ligjor per shtetedi shqiptare, tashti qeveria do e realizoje planin se bonusin do e marrin bangladeshasit qe fo behen shqiptare. Por mundet edhe familjet serbe qe po blejne prona te palujtshme shqiptare ne mase.
Nëse e kanë përfituar do të thotë që në vendet ku jetojnë jashtë nuk kanë përfituar sepse shumë nga këto nuk të japin sepse duhet me pa tjetër të kesh qytetarinë në atë vend.Por mundet që kanë përfituar si andej dhe këtej siç bëjnë shqiptarët dhe kjo dhe me ndihmën e administratës rilindase që i bën të jenë në armatën e votuesve të tyre.
analfabetizmi funksional ne gazetari haset pikerisht ne kete artikull…. “bebet u regjistruan formalisht në Shqipëri sa për të përfituar shpërblimin” shkruan gazetaruci po nuk e di qe jan te detyruar te regjistrohen se ne te kundert smund te kene asnje mjet identifikimi (pashaporte, ID, certifikate). Gjithsesi cte keqe ka qe shperndahet bonusi edhe per femijet e lindur jashte vendit, pse ata sjan Shqiptare? Apo vazhdon diskriminimi percmues qe i shikon Shqiptaret e emigruar si te huaj dhe perbuzen ne vend e pretendohet te mos kene te drejta edhe pse jan Shqiptare po njesoj si bashkekombasit qe jetojne ne Shqiperi, packa qe kan nje kontribut te jashtezakonshem ne ekonomine e vendit, 400 e kusur milion vetem remitancat ne vit e pa folur per turizmin qe perflitet kaq shume ku 60% jan Shqiptare ne emigracion qe kthehen ne shtepite e tyre
Dmth qeveria shqiptare vazhdon sypatrembur ne gjetjen e zgjidhjeve partizance dhe cfare te na shkoje ne mendje. Pasi po paguajme per te furnizuar Gjermanine me mjeke, te paguajme per ta shtuar edhe me bebe. Rama gjeni… si Mato Gruda