Për herë të parë Rita Ora na ka treguar një foto nga dasma e saj shumë hermetike me Taika Waititi.
Dhe jo, nuk e ka publikuar në mediat sociale por në videoklipin e saj të fundit “You and I”. Në një moment gjatë klipit shfaqet një foto nga dasma, e vendosur pranë tavolinës së Ritës.
Këngëtarja shihet e veshur me një fustan të bardhë me material dantelle me mëngë të gjata, teksa shkëmben një puthje në buzë me regjisorin.
Në një intervistë në maj, Rita zbuloi se dasma e saj me Taika u bë ‘sa hap e mbyll sytë’, duke thënë se u realizua në vetëm “dy ose tre ditë”, por shtoi se kishte qenë “perfekt”.
Rita tha se fillimisht kishin hezituar ta çonin miqësinë e tyre afatgjatë në një nivel tjetër, nga frika se mos e shkatërronin atë, por që nuk ka pasur “asnjëherë një moment të mërzitshëm” në marrëdhënie. “Ne ndihemi të qetë me njëri-tjetrin,” tha ajo.
“Nuk pati ndonjë propozim në gjunjë. Ishte më shumë si, ‘Unë dua të martohem me ty. Le ta bëjmë atë, “tha ajo. “Disa femra pëlqejnë të ndiejnë atë vëmendje të vërtetë të veçantë atë ditë. Dhe të gjithë janë të ndryshëm. Dhe për mua – mendoj se me punën time, është e gjitha… është shumë e drejtuar nga vëmendja – doja ta mbaja private sepse jeta ime dhe karriera ime nuk janë private. Motra ime ishte atje, gjë që ishte e mahnitshme për mua. Dhe ai kishte vajzat e tij atje, gjë që ishte e mahnitshme për të. Ishte një ëndërr. Prindërit e mi e ndoqën celebrimin përmes Zoom”.
Rita – e cila nuk i tha asnjë prej miqve të saj se po martohej – zbuloi se mund të organizojë një dasmë të madhe për të gjithë të dashurit e tyre më vonë.
