Gjatë natës në Estadio Nacional në Lima u zhvillua ndeshja mes Perusë dhe Venezuelës, e vlefshme për javën e gjashtë të kualifikueseve të Amerikës së Jugut për Botërorin 2026. Rezultati i fushës ishte 1-1, me golat e Yotun për vendasit dhe Savarino për miqtë. E megjithatë, ndeshja u la në hije nga ajo që ndodhi pas fishkëllimës së fundit, kur policia peruane sulmoi në mënyrë të papritur lojtarët e Venezuelës.
LOJTARËT E VENEZUELËS RRIHEN NGA POLICIA
Ajo që ndodhi në mbrëmjen italiane në fund të ndeshjes mes Perusë dhe Venezuelës ishte e çmendur dhe padyshim e pamundur. Pas fishkëllimës së fundit, lojtarët venezuelanë shkuan në seksionin ku ishin tifozët e tyre për t’i duartrokitur, falënderuar për mbështetjen dhe për t’u dhënë disa fanella. Megjithatë, papritmas, policia peruane mbërriti me mjete anti-rebelim dhe formoi një kordon për të parandaluar lojtarët të festonin në kontakt të ngushtë me njerëzit e tyre.
Lexo më tej: Video/ Brazil-Argjentinë kthehet në arenë luftimesh, çmenduri në tribuna: përplasje me policinë, gjak e dhunë
Ishte e pashmangshme që gjakrat të nxeheshin menjëherë. Fillimisht fluturuan fjalë të forta, më pas disa shtytje të tepërta, pastaj një polic madje ndërmori veprime duke goditur lojtarët e Venezuelës me shkop gome. Një episod shumë i keq që shkon paralelisht me atë që ndodhi në Brazil gjatë ndeshjes mes Selecaos dhe Argjentinës.
VIDEO
Lo de Peru hoy con Venezuela ha sido una vergüenza.
Primero con la policía controlando la situación migratoria de los hinchas.
Y al final la policía empujando a los jugadores de la Vinotinto.
Una vergüenza
pic.twitter.com/gjrylRP354— Andres Agulla (@aagulla_TV) November 22, 2023