Libri me poezi i Megan Fox i publikuar së fundmi, Pretty Boys Are Poisonous, po shkakton disa probleme në marrëdhënien e saj me Machine Gun Kelly.
Një burim i tha ET se çifti ka patur debate kohët e fundit sepse muzikanti është “i mërzitur” nga disa nga poezitë dhe “i merr ato personalisht”. “Megan është e frustruar që MGK nuk ka qenë mbështetës dhe se ai nuk po e kupton që disa nga poezitë nuk kanë të bëjnë me të”, shton burimi. “Ata po përpiqen t’i zgjidhin gjërat dhe janë ende bashkë deri tani, por ka qenë e vështirë të merren vesh”.
Fox njoftoi për herë të parë projektin e saj të fundit poetik në gusht. Ajo më parë tregoi se ishte Kelly, të cilës i referohet shpesh si “twin flame”, që e inkurajoi të shkruante librin e saj. Dyshja ka qenë në një lidhje që nga viti 2020.
“Këto poezi janë shkruar në përpjekje për të hequr sëmundjen që më ka zënë rrënjë për shkak të heshtjes sime”, ka shkruar aktorja në një mesazh personal në Instagram. “Kam kaluar gjithë jetën time duke ruajtur sekretet e njerëzve, trupi im dhemb nga bartja e peshës së mëkateve të tyre. Liria ime jeton në këto faqe dhe shpresoj që fjalët e mia të frymëzojnë të tjerët që të marrin lumturinë dhe identitetin e tyre duke përdorur zërin e tyre për të ndriçuar atë që është varrosur, por jo e harruar, në errësirë”.
Në atë kohë, Kelly la një koment të ëmbël me një emoji zjarri. “Krenar për ty,” u shpreh ai. Në Pretty Boys Are Poisonous, Fox trajton shkatërrimin dhe abuzimin që ajo thotë se ka pësuar në disa nga marrëdhëniet e saj të profilit të lartë. /Lapsi.al