Asambleja e Përgjithshme e OKB-së do të mblidhet të martën për të diskutuar situatën në Gaza. Ata do të kërkojnë një zgjidhje për situatën pasi të premten SHBA vuri veton ndaj një rezolute të Këshillit të Sigurimit të OKB-së për një armëpushim. Kjo rezolutë që u mbështet nga pothuajse të gjithë anëtarët e tjerë, ndërsa Mbretëria e Bashkuar abstenoi.
Agjencia e lajmeve AFP, e cila deklaroi se kishte parë një draft të tekstit, tha se ai bën thirrje për “një armëpushim të menjëhershëm humanitar” si dhe “lirimin e menjëhershëm dhe pa kushte të të gjithë pengjeve”.