Katy Perry kohët e fundit la të kuptohet se roli i saj si gjyqtare në “American Idol” mund të jetë drejt fundit dhe tashmë ka spekulime se kush mund ta zëvendësojë atë.
Këngëtarja u bashkua me shfaqjen e njohur si gjyqtare gjatë sezonit të 16-të në 2018. Tani, pas gjashtë vitesh, ajo po mendon të tërhiqet përfundimisht.
Me këtë lajm, fansat dhe persona brenda industrisë së argëtimit kanë filluar të spekulojnë se kush mund ta zërë vendin e saj në tryezën e gjyqtares. Disa kanë sugjeruar artistë si Meghan Trainor dhe Tori Kelly si zëvendësues të mundshëm.
Ndërsa nuk është bërë asnjë njoftim zyrtar për zëvendësimin e Katy, ajo do të vazhdojë me sezonin e ardhshëm të 22-të të “American Idol”, i cili do të shfaqet premierë të dielën në orën 20:00 në ABC. /Lapsi.al