Bandat shqiptare kanë hartuar lista të biçikletave luksoze prej mijëra paundësh për t’i grabitur në një pjesë të pasur të Londrës, raportojnë mediat britanike. Sipas mediave vendase, muajt e fundit ka pasur një mori grabitjesh midis orës 5 dhe 7 të mëngjesit, duke synuar çiklistët që përdorin parkun përpara se të lejohen makinat. Disa organizata britanike të çiklizmit, po përgatisin një letër për Sir Mark Rowley, komisionerin e Policisë Metropolitane, duke bërë thirrje për më shumë oficerë që të vendosen në zonë. Mediat shkruajnë se viktimave u është thënë nga policia se sulmet po kryhen nga një bandë shqiptare që po i dërgon mjetet në Rusi në mes të sanksioneve të vendosura ndaj vendit pas pushtimit të Ukrainës.
Grupi Regent’s Park Cyclists tha se më shumë se 30 klube, të cilat përbëhen nga më shumë se 5,000 anëtarë, janë drejtuar për më shumë siguri në zonë.
“Sulmuesit janë me të vërtetë atje në kërkim të njerëzve. Ata nuk kanë targa, heqin targat nga biçikletat, veshin kapuç. Ata janë të përcaktuar qartë në rolin e tyre”, tha Sean Epstein, kryetar i grupit Regent’s Park Cyclists.