Ndeshja mes Real Sociedad dhe Mallorca përfundoi me fitoren e miqve me penallti, në ndeshjen e dytë gjysmëfinale (pas barazimit 0-0 në ndeshjen e parë) të Copa del Rey. Një sukses, i cili erdhi pas barazimit 1-1 (Gonzalez në të 51’ dhe Oyarzabal 71’: gabimi i tij nga penalltia më pas ishte fatal) në 120 minutat e lojës. Por nuk do të kishte patur penallti, nëse do të vlerësohej goli i Tierney. Mallorca arrin kështu në finalen e turneut, ku do të përballen me fituesin e Athletic Bilbao-Atletico Madrid (ndeshja e parë 0-1 për baskët në Wanda Metropolitano).
Ndeshja e djeshme u karakterizua nga jo pak polemika, lidhur me një episod që do të bënte të nevojshme ndërhyrjen e goal-line technology. Një mjet që tashmë është pothuajse thelbësor dhe i pranishëm pothuajse në të gjitha kampionatet në botë, përveç Spanjës, e vetmja federatë (ndër kampionatet më të mira evropiane) që e ka kundërshtuar.
GOLI FANTAZËM NË KUPËN E MBRETIT
Në minutën e 95’ (minuta 5′ e kohës shtesë), pas zhvillimit të një aksioni të Real Sociedad, Kieran Tierney (i cili hyri në fushë në minutën e 90’ në vend të Javi Galan) goditi drejt portës. Tentative e tij u bllokua nga Samu Costa. Këtu futen pastaj dyshimet dhe polemikat e mëvonshme. Në këtë rrethanë, në fakt, nuk ishte e qartë nëse topi kaloi vijën apo nëse ishte në të vërtetë një shpëtim në linjë.
🚨 ¡SAMU COSTA SALVADOR POR DOS VECES PARA EL @RCD_Mallorca EN LÍNEA DE GOL!
🆚 @RealSociedad 1-1 @RCD_Mallorca | 96´ |
⚽️ Vuelta de semifinales (0-0 en la ida)
ℹ️ Minuto a Minuto: https://t.co/CAQw8fCr6Y#LaCopaMola🏆 | #CopaDelRey pic.twitter.com/nFeKVoo9ck
— RFEF (@rfef) February 27, 2024
SPANJA, REFUZOI GOAL-LINE TECHNOLOGY
Ndaj, në mungesë të goal-line technology (të cilën federata spanjolle e futbollit e ka kundërshtuar me vendosmëri), ndërhyrja e VAR ishte e nevojshme. Arbitri u thirr në monitor për të rishikuar episodin, i cili në fakt u konsiderua i dyshimtë. Pas disa minutash, gjatë të cilave nuk u arrit asnjë e vërtetë objektive, arbitri më pas dha dritën jeshile për rifillimin e lojës, duke shpërthyer polemikat mes tifozëve vendas.